- Хотами Тоий ҳадялар билан бирга муҳим бир зиёфат беради. Сен ҳам ўша ерга бор беш тийинлик бута юкига бадал беш юз сўм оласан, - дейди.

Шунда ул тежамкор чол деганки:

- Мен бу тиканлик юкимни иззатим билан тортаман, кўтараман. Хотами Тоийнинг миннатини олмайман.

Кейинчалик Хотами Тоийдан:

- Сен ўзингдан ҳам жавонмард, азиз кимни кўргансан? - деб сўраганларида, у:

- Ҳов саҳрода дуч келганим ул тежамкор чолни ўзимдан кўра азиз ва жавонмард кўрдим, - деган.

БЕШИНЧИ НУҚТА. Жаноби Ҳақ камоли карамидан энг камбағал одамга ҳам энг бой одам каби ва гадоға ҳам подшоҳ каби лаззати неьматини ҳис этгаради.

Ҳа, бир камбагалнинг қотган бир тўграм қора нондан очлик ва иқтисод воситаси билан олган лаззати бир подшоҳнинг ва бир бойнинг исрофдан келадиган зерикиш ва иштаҳасизлик билан еган энг аъло бақлавадан олган лаззатидан кўра зиёда лаззатлидир.