Міне, мұншалықты атақты жоғары дәрежелі, теңдесі жоқ құпия жәмал, өзінің әсемдігін айнада көргісі келеді және сұлулығының қаншалықты екенін оның дәрежесін, жәмалының мөлшерін, саналы да құштар айналарда көргісі келеді. Сол сияқты басқалардың көзімен де тағы сол сүйікті жәмалына қарау үшін, көрінгісі де келеді. Демек, өз жәмалын екі түрлі тамашалау: бірі, әрқайсысы сан алуан түрлі айналарда өзі тамашалау; екіншісі, құштар көрермендер мен таңданған ұнатушылардың назарымен көз салғысы келеді. Демек, әсемдік пен жәмал, көргісі әрі көрінгісі келеді. Көру мен көріну болса,құштар көрермен, таңданған ұнатушының бар болғанын қалайды. Әсемдік пен жәмал соңсыз болғандықтарынан, құштарлардың да әрдайым болғанын қалайды. Өйткені мәңгі жәмал, өткінші қуштарға разы болмайды. Себебі, қайтып келмеске кететін бір көрермен қайтатынын ойлау арқылы бойындағы сүйіспеншілігі қастандыққа айналады. Таңданғаны менсінбеуге, сыйлауы сөгуге айнала бастайды. Неге десеңіз, өзімшіл адам, білмейтін нәрсесіне жаны қас келетіні сияқты, қолы жетпеген нәрсесіне дұшпан. Алайда, шексіз махаббат, баршаға ұнап өзіне ынтықтыратын бір сұлулыққа келгенде астыртын қастандық, ыза әрі жоққа шығару арқылы тепкі көрсетеді.

Міне, кәпір неліктен Аллаhтың дұшпаны болатыны осы сырдан түсінікті болды.