ТӨРТҮНЧҮ СӨЗ 

بِسْمِ اللّهِ الرَّحْمنِ الرَّحِيمِ

اَلصَّلاٰةُ عِمَادُ الدِّينِ


Намаз канчалык кымбат жана маанилүү, ары арзан жана аз гана чыгым менен та-была турганын, муну менен бирге намаз-сыз адамдын канчалык маң жана зыяндуу экендигин, эки жерде эки төрт дегенчелик даражада так билгиң келсе бул мисал болгон аңгемеге көз сал, тыңша.

Өткөн замандардын биринде бир чоң аким - эки кызматкеринин ар бирине жыйырма төрт алтындан берип, эки ай алыстыктагы менчиги болгон сонун жерине жашоо үчүн жөнөтүп жатып, аларга мындай деп буйрук берет. "Бул акчаны жолго жана жол акысына жумшагыла, ары ал жердеги үйүңөргө керектүү кээ бир нерселерди сатып алгыла. Бир күндүк алыстыкта бир бекет бар. Ал жерде машина да, кеме да, поезд да, учак да бар. Калган акчаңарга карап булардын бирине мингиле.

Эки кызматкер дарс алгандан кийин жолго чыгышат. Бири бактыяр эле, бекетке барганча акчасынын бир бөлүгүн каржайт жана ал чыгымын ичинде мырзасына жага турган сонун соода-сатык кылып, акчасын бирден миңге көбөйтөт.