Ажеп, жыйырма үч саатын бул кыска дүнүйөлүк өмүрүнө жумшаган жана бир гана саатын да, ал узун меңгилик өмүрүнө жумшабаган адам канчалык зыян тартат, канчалык написине зулум кылат, канчалык акылга терс аракет этет. Анткени миң адам катышкан лотерея кумарында эгер акылы туура көрүп, акчасынын жарымын тиксе, чынында утуу ыктымалы миңде бир гана. Андан кийин акчасынын жыйырма төрттөн бир бөлүгүн жүздө токсон тогузунун утуу ыктымалы болгон бир меңгилик казынага бербөө - канчалык деңгээлде акылга жана хикметке терс аракет эткенин, канчалык акылдан узак болгонун өзүн акылдуумун деп ойлогон адам түшүнбөйбү?

Чындыгында намазда рухтун, журөктун жана акылдын чоң рахаты бар, ары денеге да анчалык оор бир түйшүк эмес. Ары намаз кылган кишинин мубах болгон башка дүнүйөлүк амалдары - жакшы ниет менен ибадат өкүмүн алат. Бул жол менен бүткүл өмүрүндө жыйнап-топтогонун Акыретке байлык эте алат, жалган өмүрүн бир жагынан меңгилик кылат.