Жарым жолго чейин түшүп келип, колдору бир тал бутагына тийет жана ага жармашып калат. Кудуктун дубалында көгөрүп калган ал талдын эки тамыры бар эле. Бири ак, бири кара болгон эки чычкан, эки тамырга жабышып алып, аны кемирүүдө. Жогоруга караса алиги арстан күзөтчү сыяктуу кудуктун башында турат. Ылдыйга караса коркунучтуу ажыдаар кудуктун ичинде башын көтөрсө отуз аршын жогорудагы адамдын бутуна чейин жетет. Оозу кудуктун оозундай кең. Кудуктун дубалын караса, кемирүүчү зыянкеч макулуктар айланасын курчап алышыптыр. Талдын башына караса, анын инжир талы экенин көрөт. Бирок ажайып эле, башында түркүн түрдүү дарактын жемиштери - жаңгактан анарга чейин бар болчу.