مكتوبات | حقيقت چكردكلرى | 697
(675-698)

(بو مكتوب، اون ايكى سنه أوّل يازيلمش و سكّۀِ تصديقِ غيبى مجموعه‌سنده درج ايديلمش بر مكتوبدن بر پارچه‌در.


رسالۀِ نورڭ بو وطن و ملّته قزانديرديغى بيوك و چوق مقدّس ايكى نتيجه‌يى بيان ايتمه‌سى، فى الحقيقه عينًا بو ايكى نتيجه‌نڭ تظاهرى بو مملكتده و عالمِ إسلامده گورولمش اولماسى طولاييسيله بو مكتوب چوق أهمّيتليدر


بِاسْمِهِ سُبْحَانَهُ

رسالۀِ نور، بو مبارك وطنڭ معنوى بر خلاصكارى اولمق جهتيله؛ شيمدى ايكى دهشتلى معنوى بلايى دفع ايتمك ايچون مطبوعات عالمى ايله تظاهره باشلامق، درس ويرمك زمانى گلدى ويا گله‌جك گبيدر ظن ايدرم


او دهشتلى بلادن بريسى: خرستيان ديننى مغلوب ايدن و آنارشيلگى يتيشديرن، شمالده چيقان دهشتلى دينسزلك جريانى بو وطنى معنوى إستيلاسنه قارشى رسالۀِ نور بر سدِّ ذو القرنيْن گبى بر سدِّ قرآنى وظيفه‌سنى گوره‌بيلير


ايكنجيسى: عالمِ إسلامڭ بو مبارك وطنڭ أهاليسنه قارشى پك شدّتلى إعتراض و إتهاملرينى إزاله ايتمك ايچون مطبوعات لسانيله قونوشمق لازم گلمش دييه قلبمه إخطار ايديلدى


سس يوق

مكتوبات