مكتوبات | يگرمى سكزنجى مكتوب | 492
(492-559)
يگرمى سكزنجى مكتوب

شو مكتوب سكز مسئله‌در.

برنجى رساله اولان برنجى مسئله

بِسْمِ اﷲِ الرَّحْمٰنِ الرَّحِيمِ

اِنْ كُنْتُمْ لِلرُّؤْيَا تَعْبُرُونَ

ثانيًا: اوچ سنه أوّل بنمله گوروشدكدن اوچ گون صوڭره تعبيرى چيقمش، تأويلى تظاهر ايتمش أسكى بر رؤياڭزڭ، شيمدى تعبيرينى ايسته‌يورسڭز. شيمديلك او گوزل، مبارك، مژده‌لى رؤيا مرورِ زمانه اوغرامش، معناسنى گوسترمش اولان او رؤيايه قارشى بويله ديسه‌م حقّم يوق مى:

نَه شَبَمْ نَه شَبْ پَرَسْتَمْ مَنْ ❊ غُلاَمِ شَمْسَمْ اَزْ شَمْسْ مِى گُويَمْ خَبَرْ

آنْ خَيَالاَتِى كِه دَامِ اَوْلِيَاسْتْ ❊ عَكْسِ مَهْرُويَانِ بُوسْتَانِ خُدَاسْتْ

أوت قارداشم، سنڭ ايله محضِ حقيقت درسنى مذاكره‌يه آليشمشز. خيالاتلره قارشى قپوسى آچيق اولان رؤيالرى، تحقيقى بر صورتده موضوع بحث ايتمك، تحقيق مسلگنه تام اويغون گلمديگندن؛ او جزئى حادثۀِ نوميه مناسبتيله، موتڭ كوچك بر قارداشى اولان نومه عائد علمى و دستورى اولارق آلتى نكتۀِ حقيقتى، آياتِ قرآنيه‌نڭ إشارت ايتديگى وجهده بيان ايده‌جگز. يدنجيسنده، سنڭ رؤياڭه قيصه بر تعبير ويريله‌جك.
سس يوق

مكتوبات