لمعه‌لر | سكزنجى لمعه | 62
(54-118)

شيخ گيلانى‌نڭ فقره‌سيله كرامتكارانه ويرديگى خبرِ غيبينڭ تتمّه‌سيدر.


{اَنَا لِمُرِيدِى} فقره‌سنده {مُرِيدِى} ”منلا سعيد“ كلمه‌سنه تام توافق ايدييور. يالڭز بر ألف فرق وار. ألف ايسه، قاعدۀِ صرفيه‌جه ”اَلْفٌ“ اوقونور. اَلْفٌ ايسه، بيڭدر. ديمك بيڭ ايكى يوز طقسان درتده (١٢٩٤) دنيايه گله‌جك بر مريدى، بو {مُرِيدِى} لفظنده مراددر. چونكه {لِمُرِيدِى} ده لام صاييلسه ايكى يوز طقسان درت (٢٩٤) ايدر كه، بر تك فرق ايله سعيدڭ تاريخِ ولادتنه توافق ايدر. أساس عربى صاييلسه فرق يوقدر. لامسز {مُرِيدِى} ايسه ايكى يوز آلتمش درت (٢٦٤) ايدر. ”منلا سعيد“ دخى ايكى يوز آلتمش بش (٢٦٥) ايدر. ”منلا“ده‌كى ألف، بيڭه إشارت اولديغى ايچون متباقيسى ايكى يوز آلتمش درت (٢٦٤) قالير.


الحاصل: شو زمانده دلاّلِ قرآن و خادمِ فرقان اولان او آدمڭ ايكى إسمى و ايكى لقبى وار. ”الْكُرْدى“ لقبى ايله ”منلا سعيد“ إسمى، {اَنَا لِمُرِيدِى} فقره‌سنده ظاهر گورونويور. ”نورسى“ لقبيله ”بديع الزمان سعيد“ إسمى {َكُنْ قَادِرِىَّ الْوَقْتِ} فقره‌سنده آشكار گورونويور. حتّى خدمتِ قرآنيه‌ده أڭ مهمّ بر آرقداشى و خالص بر طلبه‌سى اولان خلوصى بگه {ِﷲِ مُخْلِصًا تَعِيشُ سَعِيدًا صَادِقًا بِمُحَبَّتِى} فقره‌سنده إشارت اولديغى گبى، ديگر بر قسم طلبه‌لرينه إشارتلر وار.


رسالۀِ نور طلبه‌لرى نامنه

رشدى، خسرو

سس يوق

لمعه‌لر