لمعه‌لر | سكزنجى لمعه | 70
(54-118)

أهلِ دنيانڭ تلسز تلغراف و تلفونلرى شرقدن غربه گيتديگى گبى، ايشته أهلِ حقيقتڭ ده ماضيدن، طوقوز يوز سنه مسافۀِ عظيمه‌دن مستقبله بويله معنوى تلفونلرى ايشله‌يه‌بيلير و معنوى تلسقوبلرى گوره‌بيلير. معلومدر كه ضعيف أماره‌لر إجتماع ايتدكجه قوّت بولور، دليل حكمنه گچر. اينجه‌جك ايپلر، إجتماع ايتدكجه قوپماز خلاط اولور. كلّى عمومى قيدلر، إجتماع ايتدكجه خصوصيت پيدا ايدوب تعيّن ايدر. بو سرّه بناءً، حضرتِ شيخڭ بو بش سطرنده سكز طوقوز قوّتلى إشارتڭ إجتماعنده هيچ شكّ و شبهه بيراقمدى كه؛ حضرتِ شيخ، شيمديكى قرآنِ حكيمڭ شاكردلرينه بِاِذْنِ اﷲ استادلق ايدييور، بِحَوْلِ اﷲ شفقتى آلتنده حمايه ايدييور.


جمعِ قطبيت و فرديت و غوثيت
ايله اوچ ستون اوزرنه طورور
رايت علويت شيخ حقّانيدر خطاب عبد القادر
إلهام خدا كتابِ عبد القادر
باز الأشهب فردِ فريدِ دوران
غوثِ أعظم جنابِ عبد القادر.
سعيد النورسى
سس يوق

لمعه‌لر