شعاعلر | سكزنجى شعاع | 328
(315-344)
بِيَاهٍ وَيَا يُوهٍ نَمُوهٍ اَصَالِيًا ❊ بِطَمْطَامٍ مِهْرَاشٍ لِنَارِ الْعِدَاسَمَتْ

بِهَالٍ اَهِيلٍ شَلْعٍ شَلْعُوبٍ شَالِعٍ ❊ طَهِىٍّ طَهُوبٍ طَيْطَهُوبٍ طَيَطَّهَتْ

اَنُوخٍ بِيَمْلُوخٍ وَ اَبْرُوخٍ اُقْسِمَتْ ❊ بِتَمْلِيخِ اٰيَاتٍ شَمُوخٍ تَشَمَّخَتْ

اَبَاذِيخَ بَيْذُوخٍ وَ ذَيْمُوخٍ بَعْدَهَا ❊ خَمَارُوخٍ يَشْرُوخٍ (حاشيه) بِشَرْخٍ تَشَمَّخَتْ

بِبَلْخٍ وَ سِمْيَانٍ وَ بَازُوخٍ بَعْدَهَا ❊ بِذَيْمُوخٍ اَشْمُوخٍ بِهِ الْكَوْنُ عُمِّرَتْ ❊ بِشَلْمَخَتٍ اِقْبَلْ دُعَائِى

دييه دعا ايله ختم ايدر. حضرتِ إمامِ على (رض) باشده صراحت ايله خبر ويرديگى رسالۀِ النورى، سراج النور و سراج السرج ناميله برنجى مرتبه‌ده آشكار اونى گوستروب تعداد ايدركن، تا يگرمى بشه گلديگى وقت {بِتَمْلِيخِ اٰيَاتٍ شَمُوخٍ تَشَمَّخَتْ} دير. آياتِ قرآنيه‌نڭ إعجازلرينى بيان و قرآنڭ قرق وجهله معجزه اولديغنى يدى عدد كلّى وجهلرده إثبات ايدن رسالۀِ النورڭ أڭ مشهور و پارلاق رساله‌سى اولان يگرمى بشنجى سوز نامنده‌كى معجزاتِ قرآنيه رساله‌سنه إشارت ايدر. چونكه باشده سراج النورڭ برنجى مرتبه‌ده صاييلماسى، هم {بِتَمْلِيخِ اٰيَاتٍ} فقره‌سنده {اٰيَاتٍ} كلمه‌سنڭ بولونماسى، هم يگرمى بشنجى مرتبه‌ده ذكر ايتمسى، قوّتلى بر قرينه‌در كه؛ پك چوق آيتلرى ذكر ايدوب إعجازلرى و سرلرى بيان ايدن يگرمى بشنجى سوزه معناىِ مجازى ايله باقار. و سوره‌لرڭ تعدادنده دخى ينه يگرمى بشنجى مرتبه‌ده عباره‌يى دگيشديروب باشدن باشلار گبى {بِحَقِّ تَبَارَكَ} دييه‌رك رسالۀِ النورڭ أڭ مبارك و بركتلى اولان يگرمى بشنجى سوزڭ أهمّيتنى گوسترييور


صوڭره يگرمى آلتى و يديده {اَبَاذِيخَ بَيْذُوخٍ وَ ذَيْمُوخٍ بَعْدَهَا} دير. صوڭره اوتوز و اوتوز برنجيده {بِبَلْخٍ وَ سِمْيَانٍ وَ بَازُوخٍ بَعْدَهَا} دييوب ينه عباره‌يى دگيشديروب {بَعْدَهَا} كلمه‌سنى ذكر ايدر. غايت ظاهر و قوّتلى بر قرينه ايله إجتهاده دائر يگرمى يدنجى سوزڭ صحابه‌لر حقّنده‌كى چوق مهمّ و قيمتدار ذيلنى و معراجه دائر اوتوز برنجى سوزڭ شقِّ قمره دائر و اوڭا چوق إحتياج بولونان أهمّيتلى ذيلنى {بَعْدَهَا} كلمه‌سيله گوسترر گبى، قوّتلى إشارت ايدر


سس يوق

شعاعلر