(زبيرڭ محكمه‌ده اوقوديغى مدافعه‌سى گبى، پارلاق مدحيه‌سى إن شاء اﷲ اونلرى تقدير و تحسينه سَوق ايتمش كه، تعجّبله قرارنامه‌ده يازمشلر

زبير گوندوز آلپڭ داقتيلو ايله يازديغى ”گنجلگمز، حق و حقيقتى اوگرتن معلومات و أڭ يوكسك أخلاق ايسته‌يور.“ آدلى بر فورماسنده، اوننجى صحيفه‌ده: رسالۀِ نور يگرمنجى عصرڭ مسلمانلرينى و بتون إنسانلرى قويو فكر قراڭلغندن قورتارمق ايچون مؤلّفنڭ كندى إختياريله دگل، بيوك ياراتيجمزڭ إخطاريله يازيلمش بر شاه أثردر

اون ايكنجى صحيفه‌ده: رسالۀِ نوره خدمت ايدن بريسنه دينيلسه: رسالۀِ نور يرينه شو كتابلرى قوپيه ايت ده، فوردڭ ثروتنى سڭا ويره‌يم. او، رسالۀِ نور سطرلرندن قلمنڭ اوجنى بيله قالديرمدن شويله جواب ويرر: ”دنيا ثروت و سلطنتنڭ هپسنى ويرسه‌ڭز قبول ايتمه‌م

اون بشنجى صحيفه‌ده: ”درست فكرلى يازارلره باغليلغمزڭ درجه‌سى يوز ايسه، بديع الزمان گبى دنيا و آخرتمزه رهبرلك ايدن بيوك بر شخصيته بر كنتريليوندر، صوڭسزدر

اون ايكنجى صحيفه‌ده: ”رسالۀِ نورڭ شخصِ معنويسى، عصرڭ إجتماعى و روحى و دينى خسته‌لقلرينى تشخيص ايتمش و مزمنلشمش إجتماعى علّتلرى تداوى ايده‌جك شكلده قرآنِ حكيمڭ حقيقتلرينى إلٰهى بر أمرله، بو زمانده ياشايان بتون إنسانلره أرض ايتمشدر.“

قرق دردنجى صحيفه‌ده: ”بديع الزمان، بو رساله‌لرى بر سنه اوقويان بو زمانڭ مهمّ بر عالمى اولابيلير ديمشدر. أوت، اويله‌در

أللى دردنجى صحيفه‌ده: ”رسالۀِ نور اوقويان حاكملرڭ إصابتسز قرار ويردكلرى گورولمييور.“ دينيلمكده‌در