عزيز نور قوماندانى و قرآنڭ خادمى قارداشم رأفت بك!

يهودى ملّتى حبِّ حيات و دنياپرستلكده إفراط ايتدكلرى ايچون هر عصرده ذلّت و مسكنت طوقاتنى يمگه مستحق اولمشلر. فقط بو فلسطين مسئله‌سنده، حبِّ حيات و دنياپرستلك حسّى دگل، بلكه أنبياءِ بنى إسرائيليه‌نڭ مزارستانى اولان فلسطين او أسكى پيغمبرلرڭ كندى ملّيتلرندن بولونماسى جهتيله بر جهتده بر أهمّيتلى حسِّ ملّى و دينى اولماسندن چابوق طوقات ييمييورلر. يوقسه قوجه عربستانده آز بر زمره هيچ طايانه‌ميه‌جقدى، چابوق مسكنته گيره‌جكدى.

سؤال: كُرۀِ أرضڭ كروى اولديغنه دائر بر آيت وار مى و هانگى سوره‌ده‌در؟ مستوى ويا كروى اولديغنده تردّدم واردر. هر حكومتڭ بولونديغى أراضى دڭز اورته‌سنده‌در. بو دڭزلرڭ أطرافنى محافظه‌كار نه‌لر وار؟ لطفًا بياننى رجا ايدر، أللريڭزدن اوپرم.

أميرطاغلى على خواجه