هم علمِ إلٰهينڭ سابقًا مذكور بتون دليللرى، عينًا إراده‌نڭ دخى دليللريدر. چونكه، ايكيسى قدرتله برابر ايش گورويورلر. برى بريسز اولماز. هر بر نوعڭ و جنسڭ أفرادى، أعضاءِ نوعيه و جنسيه‌ده توافقلرى ناصل دلالت ايدر كه صانعلرى بردر، واحددر، أحددر.. اويله ده: يوزلرينڭ سيمالرى حكمتلى بر طرزده بربرندن فارقه‌لى و آيرى اولماسى قطعى دلالت ايدر كه: او صانعِ واحدِ أحد، بر فاعلِ مختاردر. إراده و إختيار و مشيئت و قصد ايله هر شيئى ياراتير

ايشته إراده‌يه دائر تك و كلّى بر دليلى بيان ايدن مذكور عربى فقره‌نڭ قيصه‌جه مئالنڭ ترجمه‌سى بيتدى. إراده‌يه دائر پك چوق مهمّ نكته‌لرى، علم مسئله‌سى گبى يازمق نيّت ايتمشدم. فقط سملى خسته‌لق دماغمه تام يورغونلق ويرديگى ايچون باشقه وقته تأخير ايديلدى.

قدرته دائر عربى فقره‌سى