بارلا لاحقه‌سى | يگرمى يدنجى مكتوب و ذيللرى | 115
(26-437)
(أحمد غالبڭ سوزلر حقّنده بر فقره‌سيدر)
آدمِ علمِ حقيقتدر سوزڭ،
ترجمانِ كنزِ وحدتدر سوزڭ.
حضرتِ حقدن عطاىِ محضدر،
نشئۀِ شيتِ هويتدر سوزڭ.
درسِ حكمتدن بتون علوى بيان،
مثلِ إدريس پرحكمتدر سوزڭ.
موجِ طوفانِ ضلالتدن سپر،
كشتئِ نوحِ سلامتدر سوزڭ.
صرصرِ إلحاددن إنقاذ ايدن،
شعلۀِ هودِ هدايتدر سوزڭ.
تزكيت‌بخش قلوبِ مؤمنين،
صالح دارِ أمانتدر سوزڭ.
وحدتڭ أسرارينى إعلان ايدن،
اول خليل‌وش أصلِ ملّتدر سوزڭ.
بخشِ زمزم أيلر، أهلِ خيراته،
إسماعيلِ فيضِ حرمتدر سوزڭ.
محضِ تحقيقدر، خيالاتدن علا،
سرِّ إسحٰقِ حقيقتدر سوزڭ.
زمره‌’ِ طاغوتى هپ برباد ايدر،
لوط گبى ركنِ صلابتدر سوزڭ.
هپ كلام اﷲ ناطق شرحيدر.
كنزِ إعجازِ رسالتدر سوزڭ

سس يوق

بارلا لاحقه‌سى