بارلا لاحقه‌سى | يگرمى يدنجى مكتوب و ذيللرى | 117
(26-437)
أهلِ شوقه آبِ حيات بخش ايدن،
خضرِ بحرينِ ولايتدر سوزڭ.
بارِ ثقلتدن عقولى قورتاران،
نورِ إلياسِ رياضتدر سوزڭ.
قوللغڭ أفضلنى إظهار ايدن،
ذو الكفلِ عبادتدر سوزڭ.
سد چكر كافر اولان يأجوجلره،
چونكه ذوالقرنينِ قدرتدر سوزڭ.
سرِّ تسبيحاتى تلقين أيله‌ين،
مثلِ يونس غوّاصِ حقيقتدر سوزڭ.
رحمتِ رحمانى هپ تذكار ايدر،
حمدِ زكريّا‌ىِ رحمتدر سوزڭ.
تاب ايله شرحِ كتابِ حق ايدر،
علمِ يحيئِ وراثتدر سوزڭ.
مرده‌يى إحيا، كورى بينا ايدر،
نفخۀِ عيسئ‌ِ فطرتدر سوزڭ.
مژده پيماىِ قلوبِ أهلِ حق،
ماحئِ تاريكِ فترتدر سوزڭ.
أحمدڭ معراجنى أيلر بيان،
شرحِ أحكامِ نبوّتدر سوزڭ.
حق تعالى دائما پرنور ايده،
چونكه عرفانِ سعادتدر سوزڭ.
شانِ استادده نه ديرسه‌ڭ غالبا،
آز كه، بر ايمانِ حيرتدر سوزڭ.
أحمد غالب
سس يوق

بارلا لاحقه‌سى