بارلا لاحقه‌سى | يگرمى يدنجى مكتوب و ذيللرى | 222
(26-437)
(عثمان نورينڭ فقره‌سيدر)
قرآنِ عظيم
بر كلمه‌ڭى، ميليونلر دفعه تكرار اوقوسه‌م
ايلك باشلاديغم لذّتى، دائما طويارم.
سن إسلام اوجاقلرينڭ سونمز بر لمعه‌سيسڭ
سن او مِثلسز ذاتڭ، أمثالسز كلاميسڭ
ربّڭ أڭ سَوْگيلى رسولنه قسمت اولان
دگرلى بيڭ بر چشيد إثباتلى كلاميسڭ.
هانگى كتاب وار كه، عصرلرجه بويله حرمتله اوقونسون
ناصل بر نانكور وار كه، گلسين سڭا طوقونسون
حاشا، سڭا اينانميانلر كافرسه بيله
گلسين اونڭ دلاّلنڭ ياننه اوطورسون.
او دلاّلدن آلنجه درسِ إلهامى
لعنتلر ايدر، إنكار ايتديگنه قرآنى
علمڭ أڭ درين خواجه‌سى، برهانى
ذليل ايدر، قارشيسنده سنى طانيميانى.
قدسى كتابڭ چوق ئونلى، اونڭ دلاّلى استادم سعيد
گوڭل ايستر كه، او عيارده بولونسون بيڭلر سعيد.
عين گونڭ صباحى اوقوديغم، بيوك و قدسى كتابمز اولان قرآنِ عظيم الشاندن آلديغم نورلى إلهامِ إلٰهيدن، طولاييسيله گونش گبى قوّتلى اولان رسالۀِ عاليه‌لرڭزڭ عاجزده بيراقديغى درين حسّ و تأثيرلردن طوغمشدر
عثمان نورى
سس يوق

بارلا لاحقه‌سى