بارلا لاحقه‌سى | يگرمى يدنجى مكتوب و ذيللرى | 374
(26-437)
بِاسْمِهِ ❊ وَاِنْ مِنْ شَيْءٍ اِلاَّ يُسَبِّحُ بِحَمْدِهِ

اَلسَّلاَمُ عَلَيْكُمْ وَ رَحْمَةُ اﷲِ وَ بَرَكَاتُهُ

جدّى، صدّيق، دقّتلى، حقيقتلى قارداشم رأفت بك!

جنابِ حق يڭى حياتڭزى مبارك أيله‌سين و رفيقۀِ حياتڭزى حياتِ أبديه‌ڭزده، اوتوز ايكنجى سوزڭ اوچنجى موقفنڭ آخرلرنده‌كى اوچنجى إشارتده، رفيقۀِ حياته دائر وعده و صفته مظهر أيله‌سين، آمين.


بو دفعه‌كى مكتوبڭ چوق گوزلدر. آرقداشلريڭڭ فقره‌لرى ايچريسنده ”يگرمى يدنجى مكتوب“ ايچنه درج ايده‌جگم. آرا صيره يازى ايله مشغول اولسه‌ڭز، ايى اولور. إن شاء اﷲ يڭى حياتڭز سزه رساله‌لرڭ حقائقنه قارشى يڭى بر شوق اويانديراجق


قارداشم! سن، خسرو، عاصم نظرمده چوق قيمتدارسڭز. جنابِ حق سزلرى و سزڭ گبيلرى قرآن خدمتنده ثابت‌قدم و فداكار و كمالِ صداقتده دائم و موفّق أيله‌سين، آمين


اوراده شيخ مصطفى، لطفى، رشدى گبى قارداشلريمه چوق سلام ايدييورم


اَلْبَاقِى هُوَ الْبَاقِى

قارداشڭز

سعيد النورسى
سس يوق

بارلا لاحقه‌سى