{بِاِذْنِهِ وَ سِرَاجًا مُنِيرًا} (حاشيه ٢) و يالڭز {سِرَاجًا مُنِيرًا} كلمه‌سى ايسه، تام تامنه رسالۀِ النورڭ بر إسمى اولان ”سراج النور“ه لفظًا و معنًا و جفرًا توافقله باقار. {مُنِيرًا} ده‌كى ”م“، ”ى“، {النُّور} ده‌كى شدّه‌لى ”نون“ه مقابلدر. أوت إمامِ على (رض) كرامتِ غيبيه‌سنده، رسالۀِ النوره ”سراج النور“ نامنى ويرمه‌سى، بو آيتڭ بو فقره‌سندن ملهمدر دينيله‌بيلير و چكينميه‌رك ديرز.

------------------------------------------------

(حاشيه ٢): (تنوينلر ألف صاييلير) مقامى (١٣٣٠) ايدوب، رسالۀِ النورڭ فاتحه‌سى اولان إشارات الإعجاز تفسيرينڭ ظهور تاريخنه و {سِرَاجًا مُنِيرًا} أگر برنجى تنوين صاييلسه (١٣٨٠) ايده‌رك، يگرمى بر سنه صوڭره رسالۀِ النور كُرۀِ زمينى ايشيقلانديره‌جق بر سراجِ منوّر اولاجغنه رمز ايدر إن شاء اﷲ... رسالۀِ النور طلبه‌لرندن تحسين