ديمك اوننجى سوز اونڭ حقّنده بر مرشدِ حقيقى حكمنه گچمشدر كه؛ بردن اونى درجۀِ ولايته چيقاره‌رق شو اوچ كرامتى سويلتديرمشدر. بندن سكز سنه أوّل آيريلمش. اوننجى سوز ألنه گچمش، مكتوبڭ باشنده سويله‌ديگى گبى چوق عظيم إستفاده ايدوب سكز سنه ظرفنده آلديغى كيرلرى اونڭله سيلمشدر. حتّى طىّ ايديلمش، مكتوبنڭ ديگر بر پارچه‌سنده اوننجى سوزڭ شوقندن ديمش: ”يازديغڭ سوزلرڭ هپسنى بڭا گوندر، كندى خطّمله هر بريسندن اوتوزر نسخه يازار و يازديررم. تا إنتشار ايدوب غائب اولماسين.“ ايشته بويله بر قهرمان وارثى غائب ايتدم. روحنه الفاتحه