Шул ир бәхетле булыр ки, кем хатынының диндарлыгына карап, аңа иярер, иптәшен мәңгелектә югалтмау өчен үзе дә диндар булыр.

Шул хатын бәхетледер ки, кем хатынының дин-дарлыгына карап, "Мәңгелек иптәшемне югалтмыйм" дип, диндар булыр.

Шул ир кызганыч ки, кайсы изге юлда йөргән хатынын мәңгелектә югалтырлык әшәкелек эшләр.

Шул хатын кызганыч ки, кайсы тәкъвале, динле иренә иярмәс: ул мөбарәк иптәшен мәңгелеккә югал-тыр.

Шундый меңнәрчә кызганыч ирләр һәм хатыннар булырлар ки, кайсылары бер-берсенең бозыклыгына һәм әшәкелегенә иярерләр, бер-берсенә мәңгелек тәмуг утына төшәргә ярдәм итәрләр.

ӨЧЕНЧЕ ХИКМӘТ. Ир белән хатын арасындагы татулык һәм иминлек дәвамлы булсын өчен алар арасында үзара хөрмәт һәм мәхәббәт кирәк. Хәлбу-ки, хатынның ачык йөрүе ул иминлекне бозар һәм үзара хөрмәтне-мәхәббәтне дә юкка чыгарыр. Чөнки ачык йөргән ун хатынның тугызы үз иреннән тагын да гүзәлрәкләрне күрер һәм үзен шул ят ирләрдән сөйдерергә теләр. Һәм бары тик уннан бересе генә үз иреннән гүзәлрәкне күрмәс.