Әгәр алар шәррдән һәм золмәттән булса, аларның хакыйкати хөкемнәре хыялыбыздагы сурәтләренә зарар бирмәс. Мәсәлән, нәҗеснең яки үләксәнең чиста бер көзгедәге чагылышы еланның үзе кебек зарарлы булмас.

Шушы мисаллардагы кебек үк, мөэмин кешенең -ихтыярыннан тыш - хыялыннан күчкән көфри фи-керләр аның үзен кяфер ясамас: хыялыннан кичкән әшәке сүзләр кешенең үзен әшәке кыйлмас һәм за-рар да китермәс.

Шуның өчен намаз укыган вакытта да мәэмин кешенең хыялына ихтыярсыз килгән шайтани-на-чар уйлар ул мөэминнең иманына да, гыйбадәтенә дә зарар китермәс. Әгәр намаз укучы кеше, хыялы-на ихтыярсыз килгән ул шайтани-начар уйларны зарарсыз дип уйласа, аларның зарарыннан тизрәк котылыр: әгәр аларны зарарлы дип уйласа, ул ва-кыт шайтан бу форсаттан файдаланып, зарар бирергә мөмкин. Шуңа күрә аларны зарарлы дип уйламаска кирәк.

 ТӘСӘТТЕР РИСАЛӘСЕ

(Хатын-кызларның ят ирләрдән капланулары турында)

   بِسْمِ اللّهِ الرَّحْمنِ الرَّحِيمِ

يَآ اَيُّهَا النَّبِيُّ قُلْ  ِلاَزْوَاجِكَ وَبَنَاتِكَ وَنِسَاۤءِ الْمُؤْمِنِينَ يُدْنيِنَ عَلَيْهِنَّ مِنْ جَلاَبِيبِهِنَّ

аяте тәсәттерне (хатын-кызларның ят ирләрдән кап-лануларын) әмер итә. Әшәкелеккә өндәүче мәдәни-ят исә, Коръәннең бу хөкеменә каршы торып, кире-сенчә фикер йөртә. Ә хатыннарның ят ирләрдән сак-ланулары өчен каплануларын "коллык-әсирлек" дип кабул итә.