Мәсәлән, син юлда чакта шул юл өстендә бер ку-накханә (хан) очратасың. Бер зур зат ул кунакханә-не үзенең кунакларына бар тик бер төн куну өчен генә төзегән. Тамаша һәм гыйбрәт өчен төзелгән бу кунакханәне төзү өчен ул миллионыарча алтыннар сарыф иткән. Һәм бер төн өчен генә кунак булып килгән ул кешеләр андагы нигъмәтләрнең беразы-ның гына тәмен татып китәләр. Ьәр кунак үзенең аппараты белән андагы хәлләрне кинога яки фотога төшереп ала. Кунакханә хуҗасы затның хезмәт-кәрләре дә ул кунакларның хәлләрен кинога төше-реп алалар. Һәм ул олы зат көн саен яңа кунаклар кабул итә, көн саен аларга яңа урыннар әзерләтә, көн саен сарайны яңача бизәтә. Моны күргәннән соң син аңларсың ки, шул кунакханәгә миллионнарча алтыннар сарыф итү бары тик бер төн кунак кабул итү өчен генә булмас, ә киресенчә, ул олы затның кунаклары өчен әзерләнгән бакый, даими һәм мәңге-лек йортлары һәм анда тагын да матуррак сарайла-ры булып, ул үз кунакларын шунда мәңгелек тор-мышка чакыра. Димәк, шушы юл өстендәге бер төн куну өчен әзерләнгән бу кунакханә бары тик гыйбрәт алу өчен генә төзелгәндер. Шул хезмәткәрләрнең кунакларны кинога төшерүләре дә киләчәк зур бер мәхкәмә (суд), яки имтихан билгеләре өчен булыр. Башкача мөмкин түгел. Ул затның бер төнлек ку-накханәсе өстәлләрендәге нигъмәтләр дә аның мәңге-лек йорты бакчаларындагы мәңгелек тәмле нигъмәтләр белән кызыксындыру өчен икәнлеген аңларсың.

Бу мисалны үрнәк итеп, шул фани дөнья тормы-шының чын хакыйкатенең нәрсә икәнлеген түбәндәге тугыз әсас (нигез) ярдәмендә аңларсың.

Беренче әсас. Аңларсың ки, шул хан (кунакханә) мисалы кебек үк, бу дөньяның да үзеннән-үзе шушы хәлгә килүе мөмкин түгел, бәлки ул барча барлык-ларның да, кунак кына булып килеп, узып китүлә-ре өчен ясалгандыр.