Әй, намазсыз кеше һәм намаз укуны яратмаган нәфсем! Бу хикәядәге падишаһ - Раббыбыз, Аллаһы-быздыр. Ул ике хезмәтченең берсе - динле. намазны үз теләге белән укучы, ә икенчесе - надан, намазсыз кешедер. 24 алтын - һәр көндәге 24 сәгатьтер. Пат-ша йорты - җәннәттер. Хикәядәге станция исә - кабердер. Ул сәфәр - кабергә, мәхшәргә, мәңгелеккә бара торган бер сәфәрдер.

Ул юлдагы кешеләр, изге гамәлгә һәм Аллаһка якынлыклары төрлечә булулары сәбәпле, бу ерак юлны да төрлечә үтәләр. Кайбер иманлы кешеләр мең еллык юлны яшен тизлегендә, бер көндә үтәләр. Кайберләре илле мең еллык юлны хыял тизлегендә, бер көндә узалар. Коръәне Кәримдә бу мәсьәлә турында ике аять бар.

Бу хикәядәге билет - намаздыр. Биш вакыт намаз уку өчен бер сәгать вакыт җитә. Тәүлекнең 23 сәгатен шул вакытлыча булган дөнья мәшәкатьләренә сарыф итеп, бер сәгатьне мәңгелеккә, ягъни ахирәт-тәге мәңгелек җәннәт тормышына сарыф итмәгән кеше, әлбәттә, бик күп акылсызлык һәм үзенә зо-лым, зарар эшләгән булыр. Чөнки, әгәр меңләгән, миллионлаган кешеләр катнашкан бер лоторея уены оештырылса, ул лотореяда җиңеп чыгу ихтималы миллионнан бер генә проценттыр. Ә надан кешеләр үзләренең капиталларын шул уенга сарыф итәләр һәм бу начар эшне акыллылык санап эшлиләр. Соң-ра 24 сәгатьнең бер сәгатен, йөздән туксан тугыз процент ихтимал белән эшләнергә тиешле сәүдәгә, ягъни намазга бирмичә, алар зур бер акылсызлык эшләгән булырлар.

Хәлбуки, намазда рухның һәм кальбнең рәхәтле-ге бардыр. Ул гәүдәгә дә авыр эш түгел. һәм дә намаз укыган кешенең бүтән хәлал гамәлләре, ягъни дөнья эшләре дә изге ният белән гыйбадәт булып саналыр; шуның белән ул кеше үзенең бөтен гоме-рен изге гыйбадәткә биргән булыр, дөньядагы яшә-вен мәңгеләштерер.