- Әгәр ләззәт вә рәхәтлек өчен, үлемне искә ал-мыйча, әшәкелек һәм бозыклык юлына керсәң, кат-гый рәвештә, синең ялгыш карашыңча, узган гасыр-ларда яшәгән кешеләрнең һәммәсе эзсез югалган булып чыга. Аларның җеназалары да череп, зур бер каберлеккә күмелгән дип уйлыйсың. Син, инсан бит, фикерли аласың. Шул сәбәпле, сиңа хәтле булган, яшәгән барлык инсаннарның үлеп юкка чыгулары аркасында, синең күңелеңә ул дусларыннан аерылу-лар китергән авыр сызланулар, исерек булып яшәп фани дөньядан алган ләззәтләреңне юкка чыгарыр.

Имансызлыгың сәбәпле сиңа киләчәк заманнар да караңгы, үлгән кебек һәм куркыныч булып күре-нер. Синең киләчәк заманнарны имансызлык күзле-ге аша уйлавың да синең фани дөньядан алган ләззәтеңне юкка чыгарачак.

Әгәр әшәкелекне, бозыклыкны ташлап, хакыйкый иман белән тугры юлга керсәң, ул иман нуры белән күрәчәксең ки - ул үткән заман юкка чыккан да түгел. Һәр нәрсәне черетә торган бер каберлек тә түгел. Бәлки ул - чынлыкта бар булган нурани бер галәм. Һәм син, бакый рухларның киләчәктәге җәннәт сарайларына керү юлындагы бер көтү залында дусларыңның сине көтеп торуларын уйлап, шатланырсың. Иман нуры белән киләчәк, истикъбал заманы да сиңа нурлы булып күренер. Әгәр син, дөньяда сиңа яз вә җәй фасылларының ашъяулы-гын шулкадәр чиксез нигъмәтләр әзерләп тәкъдим иткән Рахманиррахим Аллаһе Тәгаләнең, мәңгелек җәннәт өстәлләрендәге нигъмәтләр галәменә сине дә дусларың белән бергә җибәрәчәген уйласаҗ, мәгънәви җәннәтнең тәмен фани тормышта да татырсың.

Димәк, хакыйкый һәм сызланусыз ләззәт бары тик иманда һәм иман белән генә була.