Фарзандларингга муҳаббат эса: Жаноби Ҳақ сенинг назоратинг остига ва тарбиянгга омонат қилиб берган севимли, унсиятли у махлуқларга муҳаббат саодатли бир муҳаббатдир, бир неъматдир. На мусибатлари-ла ортиқча алам чекасан, нада ўлимлари-ла маъюсона фарёд этасан. Собиқан айтиб ўтилганидек, уларнинг Холиқлари ҳам Ҳакийм, ҳам Роҳийм бўлганидан: "Улар учун ўлим бир саодатдир", дейсан. Уларни сенга берган Зотнинг ўзингга ҳам раҳмати борлигини ўйлайсан, фироқ-айрилиқ аламидан қутуласан.

Аҳбобларга муҳаббатинг эса: модомики Лиллоҳ учундир, у аҳбобларнинг фироқ-айрилиқлари, ҳатто ўлимлари ҳам у дўстлигингизга ва ухувватингизга монеъ бўлмагани учун у маънавий муҳаббат ва руҳоний боғлиқликдан истифода этасан. Ва мулоқот лаззати доимий бўлади. Лиллоҳ учун бўлмаса, бир кунлик мулоқот лаззати юз кунлик фироқ аламини келтириб чиқаради. (Ҳошия)

Ҳошия. Лиллоҳ учун бир сония мулоқат бир йилга тенгдир. Дунё учун бўлса, бир йили бир сониядир.