Рисолаи Нур" мезонларидан "Ўн учинчи Сўз"нинг "Иккинчи мақом"ининг ҳошияси

"Рисолаи Нур"даги ҳақиқий тасаллига маҳбуслар кўп муҳтождирлар. Хусусан, ёшлик зарбасини еб, тоза ва ширин умрини ҳибсда кечрфаётганларнинг "Нур"ларга нон қадар эҳтиёжлари бор. Ҳа, ёшлик томири ақлдан кўра ҳиссиётни тинглар. Ҳис ва ҳавас эса, кўрдир, оқибатни кўрмас. Бир дирҳам ҳозирги лаззатни келгусидаги бир ботмон лаззатга таржиҳ этади. Бир дақиқалик интиқом лаззати учун қатл этади, натижада саксон минг соатлик ҳибс аламларини чекади. Ва бир соат сафоҳат кайфи учун бир номус масаласида минглар куни - умрининг саодати, ҳам ҳибснинг, ҳам душманнинг андишасидан келадиган азоблар ила маҳв бўлади.