Агар тарбияи қуръония ва "Нур"нинг ҳақиқатлари билан ўзини муҳофаза айласа, том бир қаҳрамон ёш ва мукаммал бир инсон ва масъуд бир мусулмон ва бошқа зиҳаётларга, ҳайвонларга бир нави султон бўлади.

Ҳа, бир ёш ҳибсда йигирма тўрт соатлик ҳар кунги умридан биргина соатини беш фарз намозга сарф этса, аксар гуноҳлардан ҳибс монеъ бўлгани каби, у мусибатга сабабият берган хатодан ҳам тавба қилиб, бошқа зарарли, аламли гуноҳлардан чекилса, ҳам ҳаётига, ҳам истиқболига ҳам ватанига, ҳам миллатига, ҳам ақрабосига катта бир фойдаси тегади, ўн-ўн беш йиллик фоний ёшлик ила абадий порлоқ бир ёшликни қозонади - бу ҳақда бошда Қуръони Мўъжизул Баён, барча кутуб ва суҳуфи самовия қатъий хабар бериб, мужда этяптилар.

Ҳа, у ширин, гўзал ёшлик неъмати учун истиқомат ила, тоат ила шукр қилса, ҳам зиёдалашади, ҳам боқийлашади, ҳам лаззатли кечади. Йўқса, ҳам балоли бўлади, ҳам аламли, ғамли, васвасали этади. Ақрабосига, ватанига, миллатига зарарли бир дайди одамга айланишига сабабият беради.