Эй ҳибс мусибатига дучор бўлган бечоралар! Модомики дунёингиз йиғлаётир ва ҳаётингиз аччиқлашди, ҳаракат қилингизки, охиратингиз йиғламасин ва ҳаёти боқиянгиз кулсин, тотлилашсин. Ҳибсдан истифода қилингиз. Баъзан бўладики, оғир шароит остида душман қаршисида бир соат соқчилик бир йиллик ибодат ҳукмига ўтиши мумкин. Худди шунингдек, сизнинг бу оғир шароит остида қилган ҳар бир соат ибодатингиз заҳмати кўп соатларга айланиб, у захматларни раҳматларга айлантиради.

Азиз, сиддиқ қардошларим!

Ҳибс мусибатига дучор бўлганларга ва уларга марҳаматкорона садоқат ила ташқаридан арзоқларини етказиб ва ёрдам этиб турганларга кучли бир тасаллини "Уч нуқта"да баён этаман.

w Биринчи нуқта. Ҳибсда кечган умр кунларининг ҳар бири ўн кунлик қадар ибодат қозонтириши ва фоний соатларни, мевалари жиҳатидан, маънан боқий соатларга айлантириши ва беш-ўн йиллик жазо ила милёнлар йиллик ҳибси абадийдан қутулишга васила бўлиши мумкин. Хуллас, аҳли иймон учун бу ўта буюк ва жуда қийматдор қозончнинг шарти фарз намозини адо этиш ва ҳибсга сабабият берган гуноҳлардан тавба қилиш ва сабр ичида шукр қилишдир. Зотан, ҳибс кўп гуноҳларга монеъдир, майдон бермайди.