Модомики ўлим ўлмайди ва ажал пинхонийдир - ҳар вақт келиб қолиши мумкин; ва модомики, қабр ёпилмаяпти -қофила-қофила орқасида келаётганлар у ерга кириб йўқ бўляптилар; ва модомики ўлим аҳли иймон учун иъдоми абадийдан тархис рухсатномасига айланиши ҳақиқати Қуръония ила кўрсатилган; аҳли залолат ва сафоҳат учун эса, кўрилаётганидек, бир иъдоми абадийдир, бутун маҳбуботидан ва мавжудотдан бир фироқи лоязолийдир, албатта ва албатга, ҳеч шубҳа қолмаски, энг бахтиёр одам удирки, сабр ичида шукр қилади, ҳибс муддатидан тўлиқ фойдаланиб, "Нурлар"нинг дарсини олиб, истиқомат доирасида иймонига ва Қуръонга хизмат этади.

Эй завқи лаззатга мубтало инсон! Мен етмиш беш ёшимда, мингларча тажрибалар ва ҳужжатлар ва ҳодисалар ила айнал-яқийн билдимки:

Ҳақиқий завқ ва аламсиз лаззат ва қайғусиз севинч ва ҳаётдаги саодат ёлғиз иймондадир ва иймон ҳақиқатлари доирасидагина мавжуддир. Аксинча, дунёвий бир лаззатда кўп аламлар бор. Бир дона узум едиради, ўнта шапалоқ уради, ҳаётнинг лаззатини қочиради.