Ҳеч мумкинмидирки, бутун анбиё Расули Акром соллаллоҳу алайҳи васалламнинг мўъжизаларига таяниб, сўзларини қувватлантирганлари ва бутун авлиё у Зотнинг кашф ва кароматларига суяниб тасдиқлаганлари ва бутун асфиё у Зотнинг таҳқиқотларига суяниб, ҳақонийятига шоҳидлик билдирганлари, ул Зотнинг таҳаққуқ этган минг мўъжизотининг қувватига истеънод этиб, бутун қуввати билан ҳамда қирқ жиҳатдан ҳам мўъжиза бўлган Қуръони Ҳакиймнинг минглаб қатъий оятларига таяниб, бор қатъият ила очганлари охират йўлини ва кўшод этганлари Жаннат эшигини, беркитишликка пашша қанотичалик қуввати бўлмаган маъносиз ваҳималарнинг қандай ҳадди сигарди?!.

Юқорида кўрилган ҳақиқатлардан англашилдики: Ҳашр масаласи Ер куррасини жойидан қўзгатадиган, парчалаб ташлайдиган бир қувват ҳам тебрата олмайдиган шундай бир соғлом ҳақиқатдир. Зеро, бу Ҳақиқатни Жаноби Ҳақ бутун исмлари ва сифатларининг иқтизоси билан исбот этади ва Расули Акром бутун мўъжизоти ва бурҳонлари ила тасдиқ этади ва Қуръони Ҳакийм бутун ҳақиқатлари ва оятлари орқали исбот этади ва коинот бутун таквиний оятлари ва ҳакиймона шууноти бйлан шоҳидлик билдиради. Ажабо, ҳеч мумкинмидирки, Вожибул Вужуд ила бутун мавжудот (кофирлар бундан мустасно) Ҳашр масаласида иттифоқ бўлсалар-у, қилчалик қуввати бўлмаган шубҳалар, шайтоний васвасалар бу тог каби олий, соғлом ҳақиқатни тебратсин, жойидан қўзғатсин. Йўқ ва асло!..