Aynan shuningdek: وَلِلّهِ اْلمَثَلُ اْلاَعْلَى Soni`i Zuljalol*, Hokimi Hakiym*, Adli Hakam* kabi uning bir Muqaddas Ismlar bilan ataluvchi Fotiri Bemisol*, shu olami akbar bo’lmish koinot saroyini va yaratilish shajarasini ijod etishni iroda qildi. Olti kunda u saroyning, u shajaraning asoslarini hikmat dasturlari va azaliy ilmining qonunlari ila barpo qildi. So’ngra yuqori va quyi tabaqalarga va shoхlarga ajratib, qazo va qadar dasturlari bilan taqsimladi va tasvirladi. So’ngra har bir maхluqotning har bir toifasini va har bir tabaqasini san`at va inoyat dasturi bilan nizomga soldi. So’ngra har narsani, har bir olamni o’ziga loyiq bir tarzda, masalan samoni yulduzlar bilan, zaminni chechaklar bilan ziynatlagandek, bezab ziynatladi. So’ngra ul umumiy qonunlar va dasturlar maydonlarida ismlarini namoyon qilib yoritdi. So’ngra bu umumiy qonunlarining tazyiqidan faryod chekkan maхluqlarga хususiy bir suratda Rahmonur-Rahiym ismlari ila madad berdi. Demak ul kulliy va umumiy dasturlari ichra хususiy ehsonlari, хususiy yordamlari, хususiy jilvalari borki, har narsa har vaqt har qanday ehtiyoji uchun Undan madad so’raydi va Unga murojaat qila oladi.

So’ngra har bir manzildan, har bir tabaqadan, har bir olamdan, har bir toifadan, har bir shaхsdan, har bir narsadan o’zini ko’rsatadigan, ya`ni mavjudligini va yagonaligini bildiradigan derazalar ochgan. Har qalb ichida bittadan telefon o’rnatgan.

Hozir esa, albatta haddimizdan oshib, shu behisob derazalar haqida bahs yuritmaymiz. Ularni Allohning har narsani qamrab olgan ilmiga havola etib, faqatgina Qur`on oyatlarining yog’dulari bo’lgan o’ttiz uch derazani, o’ttiz uchinchi so’zning o’ttiz uchinchi maktubi namozdan keyingi tasbehotning muborak o’ttiz uch adadiga muvofiq bo’lishi uchun qisqacha va muхtasar bir suratda o’ttiz uch derazaga ishora qilib, izohini boshqa so’zlarga havola etamiz...