Сондай-ақ, мысалға бір үйді алайық. Оның ұстасыз салынуы мүмкін емес. Оның үстіне үй; таңғажайып шеберліктермен, ою-өрнектермен, сан-алуан нақыштармен безендірілген, тіпті дуалындағы әрбір тас, бір сарай тәрізді әшекейленген. Ондай сарайдың ұстасыз болуы өте қисынсыз. Ол, міндетті түрде шебер бір ұстаның туындысы. Әсіресе, ол сарайдың бөлмелері кино кадрлары тәрізді сағат сайын түрлі бейнеге еніп, жүйелі түрде бейне бір киім ауыстырғандай, сан қубылады. Тіпті әр перде ашылған сайын сан-алуан кішкене-кішкене бөлмелер жасалады. Сол сияқты, мына әлемге шексіз хикмет иесі, өте ғалым, құдреті күшті уста қажет. Өйткені, мына ұшы-қиыры жоқ әлем; сарай тәрізді. Сарай болғанда қандай сарай, Ай мен Күн оның шамы, жулдыздар шырақтары, уақыт бір лента тәрізді, ол лентаға Зат-ы Зүлжәлал, жыл сайын басқа әлемді іліп назарларға ұсынады. Лентаға асылған әлем, үш жүз алпыс түрлі, көз жауын алатын суреттерден турады. Суреттерді жүйелі түрде, асқан хикметпен сан құбылтуда. Жер жүзін нығмет толы дастарқан бейнесінде жаратқаны сондай, әр көктемде үш жүз мың мақулық түрімен безендіріп отырады. Сан жетпес ихсан түрлерімен көмкеріп, жайнатып қойған. Жайнатып қойғаны сондай, аралас-қуралас күйде болса да асқан реттілікпен, өзгешіліктермен ерекшеленеді. Бұған басқа жақтарын салыстыр...Мұндай сарайдың Үстасын танымай, немқұрайды қарауға бола ма екен?