ЕКІНШІСУРЕТ:

Болып жатқан мына жағдайларға назар сал. Ең жарлы, ең нашарынан бастап бәріне де өте жүйелі түрде ризық берілуде. Ешкімі жоқ (жалғыз басты) науқас жандардың күтімі тым жақсы. Тәтті тағамдар, сырмалы нақыштар, безендірілген киімдер мен жасаулы дастарханға назарыңды сал. Сен секілді алаңғасардан басқаның бәрі өз істерін толық атқаруда. Титтей де болса артық кетіп жақтан ешкім жоқ. Ең жоғарғы мақам иесі, ең тілалғыш та сол. Оның үстіне патшаның әмірінен қорқып қызмет атқаруда. Демек, мына салтанат иесінің өте күшті жомарттығы, өте кең пейілі бар. Өте жоғары намысы, қаhары мен абыройы бар. Ал, жомарттық болса нығмет бергісі келеді, кең пейілі жақсылықсыз бола алмайды. Намыс болса жігер қажет етеді. Абырой мен намыс әдепсіздерді жөнге салуды қажет етеді. Ал, мына мемлекетте ондай мәрхамет пен намыстылыққа лайық істердің мыңнан бірі де атқарылып жатқан жоқ. Залым зұлымдығын жасап, жәбірленушілер қор болып, бұл жерден көшіп жатыр. Демек, үлкен бір сотқа қалып отыр.

ҮШІНШІСУРЕТ:

Назар салып қарасаң жұмыс біткен қаншама асқан хикметпен жүргізіліп жатқанын көресің. Әрі нағыз әділетті түрде. Үкімет болса, патша салтанатының қол астына кіргендерге хикметімен жақсылық жасауда. Әділет болса, үкіметтің абыройы мен салтанатының қадірін сақтау үшін қол астындағылардың құқын сақтап отыруы қажет. Шындығына келсек, бұл жерде ол хикметтер мен әділеттілікке лайық істердің мыңнан бірі атқарылып жатқан жоқ. Сен секілді бұзақылар жазасын тартпастан кетіп жатыр. Ендеше, үлкен бір сотқа қалып отыр.