ОНЫНШЫАҚИҚАТ:

Хаким, Керим, Адил, Рахим есімдерінің шағылысы болған Хикмет, Инает, Рахмет, Әділет қақпасы.

Мына баянсыз дүние қонақжайында, мына өткінші емтихан алаңында мына, аумалы жер шары көрмесінде байқалған мұншама ап-анық хикмет, осыншама ашық жарылқау, мұншама үстем әділдік, осыншама ұлан-ғайыр мейірімділіктің іздерін көрсеткен Малик-и Мүлк-і Зүлжәлалдың мемлекеттік аймақтарында мәңгілік тұрғындар, бақи күн көрушілер, соңсыз мекен-жайлар тұратын мақұлықтар болмай, мына көз алдымыздағы хикмет, жарылқау, жәрдем, әділет, мейірімділіктің ақиқаттары сөніп, түкке жарамай қалуы әсте мүмкін бе? hәм, ол Зат-ы Хаким, мына адам баласын мақұлықтар ішінен таңдап, өзіне әңгімелесуші, күрделі айна жасап, барлық рахмет қазыналарының ішіндегіден ауыз тидіріп, бағалатып, таныстырып, өзін барлық есімдерімен бірге таныстырып, оны жақсы көріп, сүйсіндіріп, содан әлгі бейшара адамды манағы мәңгі бақи мемлекетіне жөнелтпеуі, сол бір бітпес бақыт сарайларына шақырып шаттыққа бөлемеуі әсте мүмкін бе?