hәм, Хаким-ы Билхақ, әрі Рахим-ы Мутлақ адам баласына күрделі бейімділік бергені сондай, жер мен көк, таулар арқалауға батылы жетпей Аманат-ы Кубраны арқасына алып, яғни өзінің кішкене, шағын өлшем бірліктерімен, азғана өнерімен Жаратушысының ұшы-қиырсыз сипаттарын, ауқымды істерін, шексіз шағылыс әсерлерін өлшеп білетін, hәм, жерде өте нәзік, ерке, назды, дәрменсіз, әлсіз түрде жаратып, оның үстіне жердің барлық өсімдік болсын, жануар болсын мақұлықтарына бір түрлі реттеуші, бақылаушы қызметкер тағайындап, олардың тәсбихат тәсілдеріне, ғибадеттеріне араластырып әлемдегі Илахи істерге шағын мөлшерде бір өрнек көрсетіп Субхани Рубубиетті іс-әрекетімен, тілімен әлемге жар салдыру, періштелерден үстем етіп, халифелік шенін бере тұра, оған бұл аталған барлық міндеттердіи мақсаты, нәтижесі мен жемісі болған мәңгі бақытты бермеуі әсте мүмкін бе? Оны барша мақұлықтарының ең сорлысы, өте бейшара, өте мұңлық, аса дертті, өте төмен дәрежеге тастап; өте мүбарак, нурлы хикмет сыйлығының шаттандырушы құралы ретінде болған ақылды әлгі бейшараға ең жаман әрі қараң қалған азаптаушы құрал жасап, сөзсіз хикметіне әбден қайшы, асқан мейірімділігіне әсте жараспайтын бір қатігездік жасауы еш мүмкін бе? Жо-жоқ мүмкін емес.