مكتوبات | يگرمى طوقوزنجى مكتوب | 662
(560-665)

برنجى خطوه‌يه {فَلاَ تُزَكُّوا اَنْفُسَكُمْ} آيتى إشارت ايدييور.


ايكنجى خطوه‌يه {وَلاَ تَكُونُوا كَالَّذِينَ نَسُوا اﷲَ فَاَنْسٰيهُمْ اَنْفُسَهُمْ} آيتى إشارت ايدييور.


اوچنجى خطوه‌يه {مَا اَصَابَكَ مِنْ حَسَنَةٍ فَمِنَ اﷲِ وَمَا اَصَابَكَ مِنْ سَيِّئَةٍ فَمِنْ نَفْسِكَ} آيتى إشارت ايدييور.


دردنجى خطوه‌يه {كُلُّ شَيْءٍ هَالِكٌ اِلاَّ وَجْهَهُ} آيتى إشارت ايدييور. شو درت خطوه‌نڭ قيصه بر ايضاحى شودر كه:


برنجى خطوه‌ده: {فَلاَ تُزَكُّوا اَنْفُسَكُمْ} آيتى إشارت ايتديگى گبى: تزكيۀِ نفس ايتمه‌مك. زيرا إنسان، جبلّيتى و فطرتى حسبيله نفسنى سَور. بلكه، أوّلا و بِالذّات يالڭز ذاتنى سَور، باشقه هر شيئى نفسنه فدا ايدر. معبوده لايق بر طرزده نفسنى مدح ايدر. معبوده لايق بر تنزيه ايله نفسنى معايبدن تنزيه و تبرئه ايدر. ألدن گلديگى قدر قصورلرى كندينه لايق گورمز و قبول ايتمز. نفسنه پرستش ايدر طرزنده شدّتله مدافعه ايدر. حتّى فطرتنده توديع ايديلن و معبودِ حقيقينڭ حمد و تسبيحى ايچون اوڭا ويريلن جهازات و إستعدادى، كندى نفسنه صرف ايده‌رك {مَنِ اتَّخَذَ اِلٰهَهُ هَوٰيهُ} سرّينه مظهر اولور. كندينى گورور، كندينه گووه‌نير، كندينى بگه‌نير. ايشته شو مرتبه‌ده، شو خطوه‌ده تزكيه‌سى، تطهيرى: اونى تزكيه ايتمه‌مك، تبرئه ايتمه‌مكدر.

سس يوق

مكتوبات