٧٨. علمِ غيب اللّٰهه مخصوصدر. هيچ بر ولى تصرّفات ياپاماز و غيبى بيله‌مز. حتّى پيغمبر ده بيلمز. حالبوكه بر رساله‌ده إشاراتِ حديثيه ايله خلافتڭ مبدأ و منتهاسنى گوسترمش

ج - أوت هركس بِالذّات غيبى بيلمز. فقط إعلام و إلهامِ إلٰهى ايله بيلينه‌بيلير كه، بتون معجزات و كرامات اوڭا طايانير. حضرتِ إمامِ على‌نڭ إشاراتِ غيبيه‌سيله رسالۀِ نوره إشاراتنه دائر بر رساله‌نڭ آخرنده {اِنَّ الْخِلاَفَةَ بَعْدِى ثَلاَثُونَ سَنَةً} حديثِ شريفنڭ إشاراتندن بر قاچ لمعۀِ إعجازيه‌يى تام واقعه مطابق گوزل بر طرزده و گورنلرڭ تقديرينه مظهر اولمش بر بيانى چوروك گورمك و إعتراض ايتمك بر جهالت، بر خطا اثريدر

٧٩، ٨٠. گيزلى جمعيت قورديغى و دين پرده‌سى آلتنده أمنيتى بوزمق مقصديله كتاب و مكتوبلرڭ واسطه‌لرله گوندريلمش اولماسى

ج - اوچ محكمه گيزلى جمعيت نقطه‌سنده برائت ويرمه‌سى و بش اون ولايتڭ ضابطه‌لرى هيچ ايليشمه‌مسى و إعتراضنامه‌مده ردّينه دائر يوز حجّت گوستريلمه‌سيله برابر بويله اون بش صحيفه‌ده اون بش دفعه تكرارى اون وجهده خطادر.

٨١. بشنجى شعاعڭ تأويللرى ياڭليشدر

ج - بونڭ و سائر بتون تنقيد و إعتراضلرينڭ جوابلرى إعتراضنامه‌مڭ آخرنده قطعى بر صورتده ذكر ايديلمه‌سندن قيصه كسييورز