عزيز، صدّيق، مجاهد قارداشلرم حسن عاطف و صادق رفقاسى!
    أوّلا: بو شهورِ ثلاثۀِ مباركه‌ڭزى تبريك ايدييورز. سزڭ قلملريڭزڭ يادگارلرى و رسالۀِ النوردن آيريلمامق و ثبات ايتمك سندلرى اولان يازيلريڭزى و دينڭزى دنيانڭ چوق فوقنده طوتماڭزه إشارت ويرن دنيا صورتى اوستنده‌كى چيزگيلريڭزى و ايمان خدمتنده دائما ثبات ايتمه‌ڭزه وثيقه‌لر حكمنده‌كى إمضالريڭزى كمالِ ممنونيتله آلدق، قبول ايتدك. جنابِ حق سزلره، خزينۀِ رحمتندن اونلرڭ حروفاتى عددنجه دفترِ أعمالڭزه حسنه‌لر يازسين، آمين.
    عزيز قارداشلرم! بو دفعه يازيلريڭزده إخلاص رساله‌لرينى گورديگم ايچون، سزى او گبى رساله‌لرڭ درسنه حواله ايدوب، زياده بر درسه إحتياج گورمدم. يالڭز بونى إخطار ايدييورم كه: