Бу мәсьәләгә алты яктан, АЛТЫ ВӘҖИҺтән ка-рыйбыз.

БЕРЕНЧЕ ВӘҖИҺ. Әй, күңелендә мөэминнәргә дошманлык һәм үч алу тойгысы тоткан вөҗдансыз кеше! Мәсәлән, син бер корабльдә яки өйдә тугыз гөнаһсыз изге кеше һәм бер кеше үтерүче белән бергә торасың ди. Шул вакытта, бер кеше үтерүче булган-га карап, бөтен корабльне суга батыру, яки бөтен өйне утка яндыру гаделлек булырмы? Әлбәттә, ки-ресенчә, бу бик начар бер золымлык булыр. Хәтта киресенчә, ул корабльдә яки өйдә бер генә изге һәм тугыз кеше үтерүче булса да, ул корабльне батырырга яки өйне утка яндырырга ярамый, ул да золым булыр иде.

Шул мисал кебек, һәр мөэмин-мөселман бәндә Аллаһның бер корабле һәм өе шикелледер. Бу мөэ-миннең үзендә иман, исламият һәм күршелек кебек тугыз гына түгел, ә егермедән артык яхшы, изге сыйфатлар булып та, ул мөэминнең бер-ике кимчелегенә карап, аңа дошманлык күрсәтү, күңелеңдә үч тоту, хасидлек итү шушы мисалдагы корабльне батыру һәм өйне яндыру кебек бер зур золым булыр иде.

ИКЕНЧЕ ВӘҖИҺ. Әй, мәэмин кардәшенә до-шманлык күрсәтүче инсафсыз кеше! Мәэмингә до-шманлык кылу никадәр начар булганын шушы ми-салдан күр!

Мәсәлән, әгәр син кечкенә генә ташларны Аллаһ-ның мөкаддәс йорты булган Кәгъбәдән әһәмиятлерәк һәм изге тау булган Ухудтан зуррак дип әйтсәң, акыл-сыз һәм дивана булырсың.

Шуның кебек Кәгъбә хөрмәтендә булган Иман һәм Ухуд тавыдай зур булган исламият ул мәэминдә бар-дыр.