Хәтта ул вакытның кяферләре дә, Аның кайбер могҗизаларын күреп, хәйран калдылар да, үзләрен һәм тарафдарларын алдау өчен, "Мөхәммәт безгә сихер күрсәтте" дип, могҗизаларын инкяр итә ал-мадылар. Аның рисаләтенә ышанмаган кяферләрнең дә бу могҗизаларны инкяр итмәүләре тагын бер көчле дәлил булып чыкты.

Ә могҗиза дигән нәрсә - галәмнең Халикы булган Аллаһ тарафыннан Аның дәгъвасына бер тасдыйк-дыр. Ягъни Аллаһ "САДАКТӘ" ("Дөрес эшләдең") дип әйтеп, тугрылыгына кул куйган кебектер.

Аллаһның Аны тасдыйк итүе шулайдыр: мәсәлән, син бер падишаһның мәҗлесендә: "Падишаһ мине шушы эшкә вазифалы хезмәткәр итеп җибәрде", дип әйттең ди. Синнән шушы дәгъвага бер дәлил сорал-са һәм падишаһ: "Әйе, мин вазифа биреп җибәрдем", - дисә, ул сине тасдыйк иткән булыр. Шуның кебек үк, ул падишаһ синең хөрмәтеңә үзенең гадәтләрен һәм программасын үзгәртсә, бу хәл "Әйе, дөрес!" сүзеннән тагын да катгыйрак рәвештә сине тасдыйк иткән булыр.

Шушы мисал кебек пәйгамбәребез Расуле Әкрам галәйһиссәлату вәсәллам әйтә: "Мин - шушы галәм-не Яратучының илчесемен. Дәлилем дә шул: Аллаһ галәмдә эшли торган үз кануннарын, минем догам аркасында, минем хөрмәтемә шулай итеп үзгәртте: минем бармакларыма карагыз. Ун кранлы чишмә кебек чиста су агыза һәм аннан, меңләгән кеше эчеп, ихтыяҗларын канәгатьләндерәләр. Күктәге Айга ка-рагыз: бармагымның бер ишарәте белән ул~Ай ике өлешкә бүленә(1) Шул агачларга һәм хайваннарга карагыз: мине тасдыйк (раслар) өчен яныма килеп, пәйгамбәрлегемә таныклык итәләр. Ике-өч кешене туйдыра торган шул аз ашамлыкка карагыз: аның белән ике йөз - өч йөз кешене туйдырам мин" , - диде.