Шул мисалдагы кебек, инсанлык ул - пәйгамбә-рләрнең җибәрелүе белән имтихан тоту. һәм шай-таннар белән көрәшү аркасында, инсанлык галәме-нең кояшлары, айлары, йолдызлары хөкемендәге йөз меңнәрчә пәйгамбәрләр, миллионнарча әүлияләр һәм миллиардларча асфияләр дә галимнәрне казанды.

Аның киресе буларак, күп санлы, ә кыйммәте аз вә түбән булган, зарарлы хайваннар сыйфатындагы кяферләрне вә монафыйкьларны югалттты, Шуның өчен пәйгамбәрләрнең җибәрәлүе һәм шайтаннарның яратылуы да - Аллаһның хәерле эшедер. Ә шәрр вә ямьсезлекләр - бәндәләрнең начар ниятләренең нәтиҗәседер.

 С ҮЗ Л ӘР

 بِسْمِ اللّهِ الرَّحْمنِ الرَّحِيمِ

 وَبِهِ نَسْـتَعِينُ * اَلْحَمْدُ ِللهِ رَبِّ الْعٰالَمِينَ وَالصَّلٰوةُ وَالسَّلاَمُ عَلٰى سَيِّدِناَ مُحَمَّدٍ وَعَلٰۤى اٰلِهِ وَصَحْبِهِ اَجْمَعِينَ

БЕРЕНЧЕ СҮЗ

Бисмиллаһ - һәр хәерле эшнең башыдыр. Без дә беренче сүзебезне шуннан башлыйбыз. Бу мөбарәк сүз Исламның галәмәте (билгесе) булу белән бергә, бөтен барлыкларның үз хәлләре белән әйтеп торган сүзе дәдер. Бисмиллаһның нинди зур куәткә һәм бетмәслек бер бәрәкәткә ия булганын аңларга һәм өйрәнергә теләсәң, түбәндәге мисал итеп китерелгән хикәяне укы.