БИШЕНЧЕ ФАЙДА. Бөтен ул әгъза, җиһаз һәм хисләрнең гыйбадәте, тәсбихләре, зикерләре кеше-нең иң мохтаҗ вакытында (кыямәт көнендә) аңа җәннәт җимешләре булып бирелүенә, зур галим һәм вәли кешеләр шаһитлек итәрләр (таныклык би-рерләр). Әгәр биш тапкыр файдалы шушы сәүдәне эшләмәсәң, шул файдалардан мәхрүм булырсың һәм биш дәрәҗәдә зыян эчендә зыян күрерсең.

БЕРЕНЧЕ ЗЫЯН. Син нык яраткан бик күп мал, бала, нәфес һәм һәвәсләрең, яшьлегең, яшәвең юга-лып, кулыңнан чыгып китәчәк. Фәкать гөнаһларың-ны гына калдырып, муеныңа йөкләтәчәкләр.

ИКЕНЧЕ ЗЫЯН. Әманәткә хыянәт җәзасын күрәчәсең. Чөнки иң югары дәрәҗәле, кадерле җиһазларны (акыл, күз, кальб, тел һәм башкалар-ны) иң түбән һәм кыйммәтсез урыннарда кулланып, начарлыкка, гөнаһларга сарыф иттең. Шул сәбәпле нәфсеңә золым кылдың һәм Аллаһка каршы баш күтәргән булдың.

ӨЧЕНЧЕ ЗЫЯН. Инсаниятнең бөтен кыйммәтле җиһазларын, хайванлыктан да түбәнрәк дәрәҗәгә төшереп, Аллаһның хикмәтләрен ялган һәм золым кыйлдың.

ДҮРТЕНЧЕ ЗЫЯН. Көчсезлегең һәм зәгыйфьле-гең белән бергә бу бик авыр яшәү йөген зәгыйфь җилкәңә күтәреп ташырга мәҗбүр булдың. Һәрва-кыт югалу, бетү, дусларыңнан аерылу кайгысы белән кайгырып, борчылып еларсың.

БИШЕНЧЕ ЗЫЯН. Мәңгелек хәятка һәм мәңге-лек сәгадәткә әзерләнү өчен Аллаһның сиңа бирелгән акыл, кальб, күз һәм тел кебек гүзәл бүләкләрен сине җәһәннәмгә кертүче начарлык һәм ямьсезлекләргә алыштырасың.