Бүген нәфсеңне һәм малыңны Аллаһка сатарга вакыт җитте. Ул сату һич тә авыр түгел. Ләкин нигә күп кешеләр ул сәүдәдән качалар соң? Хәлбуки, Аллаһның безгә хәлал итеп биргән тәмле нигъмәт-ләре бик күптер һәм хәлал нәрсәләрнең урыны да бик киңдер. Алар кәефләнер өчен җитәр. Харам юлга кбрергә һич тә кирәкми. Аллаһның безгә кушкан боерыклары да аз һәм аларны эшләү дә бик җиңел. Аллаһка гына кол һәм солдат булу, Аңа гына хезмәт итү шундый ләззәтле һәм хөрмәтледер ки, аны аңлату мөмкин түгел.

Төп вазифабыз исә шул - ялгыз бер солдат кебек, эшне Аллаһ исеме белән башлау, һәрнәрсәне Аллаһ исеме белән бирү һәм алу, Аллаһның канунына буй-сынып хәрәкәт итү һәм тынычлану... Гөнаһ эшләсә, тәүбә кылып, Аллаһтан гафу үтенү...

"Йа, Раббы! Гөнаһларыбызны гафу ит. Безне үзеңә кол итеп кабул ит. Әманәтне сиңа кайтару вакыты җиткәнче, безне әманәтне саклауда имин кыйл. Амин!" дип, Аллаһтан дога сорарга тиешбез...

ҖИДЕНЧЕ СҮЗ

Әгәр син шушы галәмнең тылсымлы ачкычы булган

  اَمَنْتُ بِاللهِ وَبِالْيَوْمِ اْلاَخِرِ

"Аллаһка һәм ахирәткә ышандым" сүзенең кеше рухы өчен сәгадәт, бәхет-лелек ишеген ача торган кыйммәтле, дәрәҗәле, тыл-сымлы ике ачкыч булганын,