сабырлык белән Аллаһка тәвәккел һәм шөкрана итеп, дога кылу нинди зур дәрәҗәле чара кебек ике дару булганын,

һәм Коръәнне тыңлау, аның кануннарына буйсы-ну, намаз уку һәм зур гөнаһларны ташлау, мәңгелек сәфәргә никадәр мөһим, кыйммәтле бер билет, ка-бердә вә ахирәттә дә бер нур булганын аңларга теләсәң, түбәндәге шушы хикәятне тыңла.

Бервакыт бер солдат, сугыш һәм имтихан мәйда-нында, файда яки зарар рәвешендә бик куркыныч шундый бер хәлгә төшә: уң һәм сул ягыннан ике тирән яра, җәрәхәт белән яралана. Артында куркы-ныч бер арслан адарга һөҗүм өчен көтеп тора. Ә алар-ның күз алдында бер дар агачы кагылган һәм ул дар агачында аның бөтен дуслары асылган. Дар агачы аны да көтеп тора. Шул хәлдә ул солдат бик озын бер сәфәргә җибәрелә.

Шундый чарасыз һәм газаплы бер хәлдә кайгы-рып, уйланып торган вакытта, солдат янында Хы-зыр кебек нурлы, изге бер зат пәйда була һәм аңа әйтә:

- Кайгырма. Мин сиңа ике тылсым өйрәтермен. Шуларны яхшы иттереп куллансад, ул арслан сиңа хезмәтче бер ат булыр. һәм ул дар агачы сиңа кәефләнү һәм ял итү өчен сөйкемле бер таган булыр. Һәм дә сиңа ике дару бирәчәкмен. Аларны ике яраңа сөртсәң, начар исле ике яраң "Гүли Мөхәммәди" исемле хуш исле ике чәчәккә әверелерләр. Сиңа бер билет та бирәчәкмен. Аның белән - очкан кебек - бер еллык юлны бер көндә узарсың. Әгәр миңа ышана-сың килмәсә, башта тәҗрибә ит, аннан соң дөрес икәнлеген аңларсың", - диде.

Шул вакыт солдат борылып караса, аның сул ягын-нан шайтан кебек алдакчы, исерек бер кеше, зур бизәкләр, матур сурәтләр һәм хәмерләр белән ки-леп, каршысына басты. Аңа шулай диде:

- Әй, иптәш! Кил әле, бергә уйныйк! Хәмерләр эчеп, ял итик. Шул матур кыз сурәтләренә карыйк. Шул матур җырларны тыңлыйк һәм тәмле ашларны ашыйк!

Ьәм аннан сорады:

- Син авыз эченнән нәрсә укыйсың? ҖАВАП: Бер тылсым, бер дару

- Ташла шул аңлашылмас эшне. Аның белән кәефебезне бозмыйк.