Мана шунингдек, Жаноби Ҳақнинг адл ва ҳикмат ичидаги "Ҳақ" ва "Роҳманир-роҳийм" исмларининг жилвасини кўришни истасанг, баҳор мавсумида замин юзига чодирлари тикилган тўрт юз минг миллатдан таркиб топган наботот ва ҳайвонотнинг муҳташам лашкарига боқ. Ва кўрасанки: бутун у миллатлар, у тоифалар ўзаро бир-бири ичида бўлганлари ҳолда, ҳар бирининг либоси айри, арзоқи айри, силоҳи айри, тарзи ҳаёти айри, таълимоти айри, тархисоти айридир, яна бунинг устига, у ҳожатларини тадорик этадиган иқтидорлари ва у матлубларини истайдиган тиллари йўқдир, лекин буларга қарамай, доираи ҳикмат ва адл ичида, мезон ва интизом ила "Ҳақ" ва "Раҳмон", "Раззоқ" ва "Роҳийм" ва "Карийм" унвонларини томоша қил, кўр: ҳеч бирини чалкаштирмасдан, унутмасдан, аралаштириб юбормасдан қандай тарбия ва тадбир ва идора этаётир!

Хуллас, бундай ҳайратомуз муҳит бир интизом ва мезон ила қилинаётган бир ишга бошқаларнинг қўли аралаша оладими? Бу санъатга, бу тадбирга, бу Рубубийятга, бу маҳоратга Воҳиди Аҳад ва Ҳакийми Мутлақ ва Қодийри Кулли Шайдан бошқа қайси нарса қўлини узата олади? Қайси сабаб мудохала эта олади?