Эй инсон! Эсингни йиғ. Ҳеч мумкинмидирки, бутун анвои махлуқотни сенга қаратиб мадад қўлларини узаттирган ва сенинг ҳожатларингга "Лаббайк" дегизган Зоти Зулжалол сени билмасин, танимасин, кўрмасин?! Модомики сени билади ва билишини раҳмат ила билдиряпти экан, сен ҳам Уни бил, билганингни ҳурмат-ла билдир ва қатъийян англаки, сен каби заифи мутлақ, ожизи мутлақ, фақири мутлақ, фоний, кичик бир махлуққа улкан коинотни мусаххар этмоқ ва унинг мададингга юбормоқ, албатта, ҳикмат ва иноят ва илм ва қудратни ичига олган ҳақиқати Раҳматдир. Албатта, бундай бир Раҳмат сендан куллий ва холис бир шукр ва жиддий ва софий бир ҳурматни истайди, ана шу холис шукрнинг ва у софий ҳурматнинг таржимони ва унвони бўлмиш "Бисмиллаҳир роҳманир роҳийм"ни айт. Уни Раҳматнинг вусулига васила эт ва Раҳмоннинг даргоҳида шафоатчи қил.

Ҳа, Раҳматнинг вужуди ва таҳаққуқи қуёшдек кўриниб турган очиқ ҳақиқатдир. Чунки, масалан, марказий нақш ҳар тарафдан келадиган кашта ва ипларнинг интизомидан ва вазиятларидан ҳосил бўлади, шунга ўхшаш, бу коинотнинг доираи кубросида минг бир Исми Илоҳийнинг жилвасидан келадиган нуроний кашталар коинот сиймосида шундай бир Сиккаи Раҳмат ичида бир хотами Роҳиймийятини ва бир нақши шафқатни тўқияпти ва шундай бир хотами иноятни тўқияптики, қуёшдан ҳам порлоқ бир тарзда ўзини ақлларга кўрсатаётир.