Ал-ҳосил:’ Ёшлик кетади... Сафоҳатда кетса, ҳам дунёда, ҳам охиратда мингларча бало ва аламларни келтиришини; ундай ёшларнинг аксарияти суиистеъмолдан ва исрофотдан келадиган авҳомли хасталик билан касалхоналарга, тошқинликлари билан ҳибсхоналарга ва ё сафоҳатхоналарга, маънавий аламлардан келадиган сиқинтилар билан майхоналарга тушишларини англашни истасангиз, касалхоналардан, ҳибсхоналардан ва қабристонлардан сўранг. Албатта, хастахоналар сизларга кўпинча лисони ҳоллари ила ёшликнинг исрофоти ва суиистеъмолидан келган хасталикнинг пушаймонларини, эйвоҳларини айтиб беради. Шунингдек, ҳибсхоналардан ҳам, кўпинча ёшликнинг тошқинлиги туфайли ғайри машруъ доирадаги ишларидан дакки еган бадбахт ёшларнинг таассуфларини эшитажаксиз. Ва қабристонда - мутамодиян у ерга кираётганлар учун эшиклари очилиб-ёпилиб турган у олами барзоҳда, аҳли кашфул қубурнинг мушоҳадоти-ла ва бутун аҳли ҳақиқатнинг тасдиқи ва шаҳодати-ла, аксар азоблар ёшлик суиистеъмолотининг натижаси бўлганини билажаксиз.

Ҳам, навъи инсоннинг аксариятини ташкил этувчи кексалардан ва хасталардан сўранг. Албатта, мутлақ кўпчилиги афсус ва хасратлар ила: "Эйвоҳ!.. Ёшлигимизни боди-ҳаво қилдик, балки зарарли зое этдик. Зинҳор биз каби қилманглар", деяжаклар. Чунки беш-ўн йиллик ёшликнинг ғайри машруъ завқи учун дунёда кўп йиллар ғам ва кадар, барзоҳда азоб ва зарар, охиратда эса, жаҳаннам ва сақар балосини чекадиган одам энг ачинарли бир аҳволда бўлгани ҳолда