Модомики ҳақиқат будир, албатта, сизлар ҳам, Денгизли маҳбуслари ва "Нур" талабалари каби, бир-бирларингизга қардош бўлишларингиз лозимдир. Кўриб турибсизларки, биронта пичоқ ножўя қўлларингизга тушиб қолмаслиги ва бир-бирларингизга тажовуз этмасликларингиз учун ташқаридан келаётган бутун ашёларингизни ва овкатларингизни, нону-шўрваларингизни текшириб кўряптилар. Сизларга садоқат-ла хизмат этаётган назоратчилар кўп заҳмат чекаётирлар. Ҳам сизлар танаффусга бирга-бирга чиқмаяпсизлар. Гўё йиртқич ва ваҳший каби, бир-бирларингизга ташланиб қоласизлар. Хуллас, ҳозир фитрий қаҳрамонлик қони жўш урган сизлардек янги орқадошлар бу замонда маънавий буюк бир қаҳрамонлик ила ҳайъатга қарата хитоб этингизки:

Қўлимизга нафақат пичоқ, балки маузер ва револвер ҳам берилса, яна амр ҳам берилса, барибир биз бу бечора ва ўзимиз каби мусибатзада дўстларимизга тегмаймиз. Эскидан юз хил душманлик ва адоватимиз бор бўлса ҳам, ҳақларини ҳалол этиб, озор бермасликка ҳаракат қилишга Қуръоннинг ва иймоннинг ва ухуввати Исломиянинг ва маслаҳатимизнинг амри ва иршоди ила қарор бердик, деб бу ҳибсхонани бир муборак дарсхонага айлантирингиз.