Сониян: Модомики "Рисолаи Нур" бу мўъжизаи кубронинг қўлида олмос қилич бўлиб хизматини ўтаётир ва муаннид душманларини хам таслимга мажбур қилаётир, ҳам қалбни, ҳам руҳни, ҳам ҳиссиётни тамоман танвир этадиган ва иложларини берадиган бир тарзда хазинаи Қуръонияга даллоллик қилаётир, ундан бошқа маъҳази ва маржиъи бўлмаган, бир мўъжизаи маънавияси бўлмиш "Рисолаи Нур" у вазифани том адо қилаётир экан; ва модомики алайҳидаги даҳшатли таргиботлар ва ўта муаннид динсизлар устидан тўлиқ ғалаба қилди ва залолатнинг энг қаттиқ кучли қалъаси бўлмиш табиатни "Табиат рисоласи" ила парча-парчалаб ташлади ва ғафлатнинг энг қалин ва бўғувчи ва кенг доираи офоқида ва фаннинг энг кенг пардаларида "Асои Мусо"даги "Мева"нинг Олтинчи масаласи ва биринчи, иккинчи, учинчи, саккизинчи ҳужжатлари ила ғоят порлоқ бир тарзда ғафлатни тарқатиб, нури тавҳидни кўрсатди экан, албатта, бизга лозим ва миллатга алзамдирки, ҳозир расман изн берилган дин дарслари учун, хусусий дарсхоналар очилувига изн берилганидан келиб чиқиб, Нур шогирдлари мумкин қадар ҳар ерда бирор кичкинагина дарсхонаи Нурия очиши лозимдир. Гарчи ҳар ким ўзи ҳам алоҳида бир даража фойдалана олсада, аммо ҳар ким ҳар бир масалани тўлиқ англаёлмайди. Илм иймон ҳақиқатларининг изоҳи бўлгани учун у ҳам маърифатуллоҳ, ҳам ҳузур, ҳам ибодатдир.