Иймон у ваҳшатли ўтмиш замоннинг мозори акбар суратини йиртиб, унсиятли бир мажлиси муннавар ва бир мажмаи аҳбоб эканини биайнал-яқийн, биҳаққал-яқийн кўрсатди.

Ҳам иймон, назари ғафлат-ла қабри акбар бўлиб кўринган келажак замонни севимли саодат саройларида бир зиёфати Раҳмонийя мажлиси суратида биилмал-якийн кўрсатди.

Ҳам иймон, назари ғафлат-ла бир тобут ҳолатида кўринган ҳозирги замонни ва у ҳозирги куннинг тобутият шаклини синдириб, уни ухровий бир тижоратгоҳ дўкони ва шаъшаали бир мусофирхонаи Раҳмоний суратида билмушоҳада кўрсатди.

Ҳам иймон, назари ғафлат-ла умр дарахтининг энг учида ўлик бўлиб кўринган биргина меваси аслида ўлик эмаслигини, балки абадий ҳаётга ноил ва абадий саодатга номзод бўлган руҳимнинг умрини ўтаб бўлган уясидан юлдузларда кезмоқ учун чиққанини биилмал-яқийн кўрсатди.

Ҳам иймон, суякларим ила мабдаи хилқатимнинг тупроғи оёқ остида аҳамиятсиз йўқ бўлиб кетадиган суяклар эмаслигини, балки у тупроқ раҳмат эшиги ва жаннат қабулхонасининг бир пардаси эканини сирри иймон ила кўрсатди.